Chivkeeb :

Koomhaum Workers United of Western North Carolina nyob rau lub zos Morganton tsim taw lub 8 hlis ntuj xyoo 2002 los ntawm pawg National Interfaith rau cov neeg ua hauj lwm txoj kev ncaj ncees. Tam sin lub National Interfaith no hloov hu ua Interfairth workers’ Justice(IWJ).

Thauj lub lub 1 hlis ntuj xyoo 2005, lub Koomhaum Workers United of Western North Carolina ncau tawm ntawm lub koomhaum Interfaith WorkerJustice mus ua ib lub koom haum Non-profit Organization.

Lub koomhaum (WUWNC) pib nqis tes ua hauj xyoo 1995 nrog thaum lub sij hawm cov neeg thoj nam Guatemalan tuaj ua hauj lwm nyob rau lub tsev tua qaib (Case Farms) uas lawv tab tom koom tes ua pab pawg tawm tsam. Cov neeg ua hauj lwm no muaj yeej rau txoj kev tawm tsam nrog Union. Ntau xyoo dhau mus cov neeg ua hauj kuj tsis muaj ib txoj kev yeej ib txoj cai nrog lub Case Farm. Xyoo 2001 Union tau khiav tawm ntawm txoj kev tiv thaiv cov neeg ua hauj lwm no. Yog li no WUSNC thiaj li nriav tau ib qho nyiaj los ntawm Union coj los pab tiv thaiv cov neeg uas tau them nyiaj xuab moos qis nyob rau hauv Case Farm.

Workers United of Western North Carolina thiaj li tau los tawm suab tiv thaiv thiab koom tes nrog ntau counties uas nyob rau sab hnub tuaj hauv North Carolina. Lub koom haum no tau nqis tes los pab cov neeg xws Latin America, Maxico, Hmong thiab Nplog uas uas tau them nyiaj xuab moos qis. Nyob txhua qhov txhia chaw WUWNC tau los tsim tsa muaj rooj cov qhia hais txog tiv thaiv txoj cai rau cov neeg hauj lwm. Tam sim no tab tom tsim tsa tau ib lub hoob kas nyob tom Nuestro Certro Latino Center of Asheville. Xib txuas zws dhau los WUWNC tau pab muaj li 335 tug neeg ua hauj lwm xws li raug mob tom hauj lwm, uas tsis them nyiaj thiab kev sib cais tib neeg rau txoj kev tsis ncaj ncees. Qhov suav tau WUWNC hais tau $148, 758 rov qab los rau cov neeg ua hauj lwm uas them nyiaj tsis txaus. Thauj lub xyoo 2006 WUWNC tau txais khoom plig los ntawm NC Justice Center, vim WUWNC tau los tiv thaiv ua tau hauj lwm zoo heev.

Tom qab ob xyoo WUWNC tau koom nrog Wake Forest Justa lub hom phiaj mus qhuab qhia rau cov neeg ua hauj lwm nyob rau tom tej chaw ua hauj lwm tua qaib, kom lawv muaj kev txawj ntse tiv thaiv teeb meem thiab koj lawv txhob raug mob thiab cob qhia kom lawv paub txoj cai ib yam li JUSTA. Justa yuav pab qhia kom cov neeg ua hauj lwm tau txais nyiaj nqis nqis kom lawv paub txog lawv txoj cai ntawm lawv cov neeg ua hauj lwm. Xyoo 2007 thaum lub caij ntuj so, JUSTA cov thawj coj thiab lwm cov thawj coj tau koom tes ua ke thawj zaug pab rau hauv cov neeg ua hauj lwm ntawm caw tua qaib hais txog neeg txoj kev ncaj ncees.

Txoj kev koom tes sib pab nws yooj yim rau cov neeg ua hauj lwm nyob rau hauv Case Farms, Morganton. Lub hauv paus tau hu sawv daws tuaj ua kev nrog rau cov khw me, khw loj, thiab lwm cov lag luam tuaj mus tiv thaiv cov neeg ua hauj lwm tawm tsam nyob rau xyoo 2007.